Procesi treditor në Kuvendin e Greqisë përfundoi me rrëzimin e mocionit të mosbesimit për kryeministrin Kyriakos Mitsotakis, me 157 vota kundër dhe 136 pro.

Mocioni i cili u karakterizua me tension, zëra të lartë u pasua me kërkesë për përjashtimin e deputetit të Demokracisë së Re, Dimitris Kyriazidis. Shkak ishte sulmi i tij i pahijshëm ndaj Zoe Kostantopoulou, i cili ngjalli reagime dhe u dënua nga të gjitha partitë në parlament.

Mocioni i mosbesimit u dorëzua bashkërisht nga katër parti opozitare ( PASOK, SYRIZA, E Majta e Re dhe Pleusi Eleftherias ), duke mbledhur 85 nënshkrime.

Debati i tensionuar dhe i diskutueshëm, me në qendër aksidentin e trenit në Tempi , u zhvillua krahas protestave në të gjithë vendin dhe kërkesës për drejtësi për 57 personat që humbën jetën në aksident me transparencë të plotë ./euronews