“SHBA ishte e përgatitur për kolapsin e shpejtë të Afganistanit,” thotë Biden.

Presidenti amerikan Joe Biden është duke mbajtur fjalimin e parë që pas largimit të ushtarit të fundit amerikan nga Afganistani pas 20 vitesh luftë.

Ai falenderoi personelin ushtarak amerikan për punën e tyre duke evakuuar më shumë se 120,000 persona nga Kabuli.

“Ky numër është më shumë se dyfishi i asaj që shumica e ekspertëve mendonin se ishte e mundur,” tha ai.

“Asnjë komb nuk ka bërë ndonjëherë diçka të tillë në të gjithë historinë.”

Ai tha se operacioni nuk do të ishte i mundur pa “aftësinë, trimërinë dhe guximin vetëmohues” të trupave amerikane, diplomatëve dhe personelit të inteligjencës.

“Ata e bënë atë duke u përballur me turma që kërkonin të largoheshin nga vendi dhe e bënë atë duke ditur se terroristët e Isis-K, armiqtë e betuar të talibanëve, fshiheshin në mes të atyre turmave.”

Trembëdhjetë trupa amerikanë u vranë në operacion, si dhe 20 u plagosën.

Biden pranoi se ushtria afgane u rrëzua më shpejt nga sa pritej para afatit të 31 gushtit.