Presidenti i SHBA-së, Joe Biden tha se paketa e ndihmës ekonomike prej 1.9 trilionë dollarë kundër koronavirusit të ri (COVID-19) do të hapë vende pune për 7 milionë persona, transmeton Anadolu Agency (AA).

Biden mbajti një ceremoni në Shtëpinë e Bardhë lidhur me paketën e ndihmës ekonomike për të luftuar COVID-19 me një vlerë prej 1.9 trilionë dollarë të cilën e nënshkroi dje pas miratimit në Kongres.

Paketa e ndihmës në fjalë është e rëndësishme për vendin, nënvizoi Biden i cili duke rikujtuar karrierën e tij në Kongres tha se miratimi i ligjeve të tilla është shumë i vështirë.

“Kjo paketë ekonomike do të kontaktojë drejtpërdrejt situatën emergjente në vend. Do të ndryshojë jetën e miliona njerëzve”, tha ai.

Sipas tij, edhe çeku prej 1.400 dollarë që do t’u jepet personave në kuadër të paketës së ndihmës ekonomike që nga fundi i kësaj jave. “Kjo paketë e ndihmës ekonomike do të hapë vende pune për 7 milionë persona”, tha Biden.

Paketa e ndihmës ekonomike u miratua në fundjavë në Senat

Paketa e ndihmës ekonomike prej 1.9 trilionë dollarë e cila ishte një prej pikave më të rëndësishme të rendit të ditës prej një kohe të gjatë në SHBA, u miratua në Dhomën e Përfaqësuesve më 27 shkurt.

Pas bisedimeve prej një kohe të gjatë, projektligji u miratua më 6 mars në Senat duke kaluar pa nevojën e mbështetjes së republikanëve me një rregullore ligjore të emërtuar si “dakordim” dhe e cila ishte aktivizuar më parë.

Për shkak të rregullimeve të bëra projektligji u ridërgua për miratim përfundimtar në Dhomën e Përfaqësuesve, i cili duke miratuar paketën më 10 mars e dërgoi për nënshkrim tek presidenti Biden.

Do të sigurohet ndihmë e drejtpërdrejt në para me një vlerë prej 1.400 dollarë

Në projektligjin e cilësuar si një prej paketave më të mëdha që administrata e Bidenit ka miratuar kundër efekteve ekonomike të COVID-19, krahas ndihmës së drejtpërdrejt në para ndodhen edhe rregullore për mbështetjen e qeverive të shteteve dhe ato rajonale si dhe për shpërndarjen e vaksinave.

Në kuadër të paketës së mbështetjes ekonomike, parashikohet të sigurohet një ndihmë e drejtpërdrejt në para me një vlerë prej 1.400 dollarë për personat që fitojnë më pak se 75 mijë dollarë në vit.

Me paketën zgjatet deri më 6 shtator afati i ndihmës e cila do të përfundojë më 14 mars si dhe planifikohet të sigurohet një ndihmë kundër papunësisë prej 300 dollarë në javë.

Në paketën ku për administratat e shteteve dhe ato rajonale është ndarë një buxhet prej 350 miliardë dollarë, përfshihet mbështetje financiare për testet e COVID-19, ndihmë për qira dhe shkolla.