E ardhmja e presidentit sirian, Bashar al-Assad dhe çështje të tjera të brendshme siriane duhet të diskutohen në bisedimet e paqes në qytetin e Kazakistanit, Astana, ka bërë të ditur zëdhënësi i Ministrisë së Jashtme gjermane, Martin Schaefer.

Zëdhënësi i ministrisë tha se Gjermania ka mirëpritur armëpushimin në Siri ndërmjetësuar nga Rusia dhe Turqia, transmeton arbresh.info.

“Çështja mbi të ardhmen e presidentit sirian, Bashar al-Assad, çështja e shoqërisë siriane, të gjitha këto çështje duhet të diskutohen në bisedimet në Astana”, tha ai.

“Në qoftëse armëpushimi vazhdon, ajo do të krijojë një platform për një process politik paqësor”, ka shtuar ai.

Të shtunën, Këshilli i Sigurimit i OKB-së miratoi njëzëri një resolute për armëpushim në Siri, si dhe për mbajtjen e bisedimeve politike mes qeverisë dhe opozitës siriane në Astana, Kazakistan në janar të vitit 2017.

Një ditë më parë, një armëpushim mbarëkombëtar mes trupave qeveritare siriane dhe disa fraksioneve të opozitës ka hyrë në fuqi. Rusia dhe Turqia  shërbejnë si garantues të marrëveshjes e cila hap rrugën për negociatat mes palëve ndërluftuese./Arbresh.info