Policia në rrethin perëndimor të Brukselit, e cila përfshin zonën Molenbeek, e cila njihet si një ndër lagjet shtëpi për terroristët e sulmeve në Paris, kanë hyrë në grevë për shkak të një mosmarrëveshje në lidhje me orët e gjata të punës dhe mungesës së stafit.

Oficerët në mënyrë kolektive kanë deklaruar se janë të sëmurë dhe ditën e nesërme nuk janë kthyer në punë, raportojnë mediat lokale, transmeton arbresh.info.

Kris Verstraeten, polic dhe përfaqësues i sindikatës ka thënë se ekipi i policisë ka reaguar menjëherë pas lajmit për shkurtimin e stafit.

Johan De Becker, shefi i policisë Brukselin Perëndimor,ka theksuar se e kupton pse është policia ka marrë një vendim të tillë, por ka shtuar se ‘qytetarët nuk duhet të jenë viktimë e një problemi të brendshëm në polici’.

Në anën tjetër, një zëdhënës i Ministrisë së Brendshme, ka thënë për mediat vendase se policia federale është duke e bërë të pamundurën për të mbështetur policët lokalë, por shtoi se çështjet e stafit janë përgjegjësi e autoriteteve lokale.

Ministria ka pranuar se orari i punës për policët është rritur që nga sulmet terroriste në Paris që ndodhen në nentor të vitit 2015./Arbresh.info