Kryeministri i Belgjikës, Alexander de Cro, njoftoi sot ndalimin e të gjitha udhëtimeve “të parëndësishme” në Belgjikë deri më 1 mars.

“Duhet të jetë e qartë se ne nuk po ndërtojmë një mur rreth vendit tonë. Arritja dhe largimi është ende i mundur, por duhet të ketë një arsye të mirë,” tha De Kro, transmeton portali arbresh.info

Ndër arsyet “e justifikueshme” autoritetet belge përfshijnë: udhëtime biznesi, punëtorë ndërkufitarë, ndihmë për personin në telashe, studentë, vizita e prindërve te fëmijët e mitur dhe pjesëmarrja në funeral.

Ky vendim në Belgjikë është marrë me qëllim të parandalimit të llojit të ri të koronavirusit.

Nga e hëna, Belgjika do të vendosë në karantinë 10 ditore të gjithë udhëtarët nga Mbretëria e Bashkuar, Afrika e Jugut dhe Amerika e Jugut.

Ata që hyjnë në Belgjikë duhet të bëjnë teste edhe në ditën e arritjes dhe atë të largimit nga vendi.

Autoritetet belge gjithashtu morën një vendim sot për hapjen e mundshme të parukerive dhe salloneve të bukurisë dhe profesioneve të tjera jo-mjekësore, por nëse numri i të infektuarve rritet, ato rrezikojnë sërish mbylljen.

Masat e rrepta që u morrën në mes të tetorit në Belgjikë janë ende në fuqi. Baret, restorantet, mjediset kulturore dhe sportive mbeten të mbyllura deri në një njoftim tjetër./arbresh.info/