Bashkimi Evropian pret të nënshkruajë zgjerimin e marrëveshjes mbi partneritetin dhe bashkëpunimin me Kazakistanin në 2015, tha Edgar Rinkevich, ministër i jashtëm i Letonisë.

“Ne diskutuam përmbajtjen dhe kohën e mundshme të nënshkrimit, në lidhje me marrëveshjen e zgjatur për partneritet dhe bashkëpunim. Të dyja palët kanë për qëllim të nënshkruajnë marrëveshjet sa më shpejt të jetë e mundur”, thotë Rinkevich.

Marrëveshja e zgjeruar EU-Kazakistan për partneritet dhe bashkëpunim ka filluar në Bruksel më 20 Janar. Kjo marrëveshje do të lehtësojë në masë të madhe marrëdhëniet e forta politike dhe ekonomike ndërmjet Kazakistanit dhe BE-së.

Marrëveshja do të rrisë rrjedhën e tregtisë, shërbimeve dhe investimeve në mes të palëve dhe do të kontribuojë në zhvillimin politik dhe social të Kazakistanit.

Rinkevich vuri në dukje se ka disa çështje që janë ligjore dhe teknike, por jo politike, duke shprehur shpresën se ata do të jenë në gjendje të nënshkruajë një marrëveshje këtë vit.

“Unë nuk do ta caktoj muajin dhe ditën, por mendoj se mund të flas në emër të kolegëve të mi në BE që kanë interes të përgatisin dhe nënshkruajnë një marrëveshje në 2015”, tha Rinkevich në një takim me Yerlan Idrisov, ministër i Jashtëm i Kazakistanit .

Idrisov, nga ana e tij, vuri në dukje se Kazakistani ka ftuar Presidentin e KE-së, Zhan-Klod Junker të vizitojnë vendin për të nënshkruar një marrëveshje.

“Është një dokument gjithëpërfshirës që mbulon 29 fusha në të cilat BE-ja dhe Kazakistani kanë rënë dakord të bashkëpunojnë, duke përfshirë çështjet e sigurisë rajonale dhe globale ndaj shtetit të së drejtës dhe ndërtimin e vendit,” tha ai.

Bashkimi Evropian dhe Kazakistani njoftoi në tetorin e kaluar se ata kishin rënë dakord për një pakt partneriteti dhe bashkëpunimi.

Kazakistani është partneri i parë i Azisë Qendrore që ka arritur marrëveshje të zgjeruar partneriteti dhe bashkëpunimi me BE-në. Marrëveshja e re do të zëvendësojë marrëveshjen e partneritetit dhe bashkëpunimit e cili ka qenë në fuqi që nga viti 1999 dhe do ti japë BE-së dhe Kazakistanit marrëdhëniet dhe fondacion të ri dhe të fortë, sipas BE-së.

Kazakistani me 18 milionë banorë dhe me rezervat e mëdha të naftës tenton ti afrohet Evropës pa e tronditë Rusinë.

Zyrtarët e BE-së kanë theksuar në mënyrë të përsëritur se marrëveshja me Kazakistanin nuk do të ndikojë në marrëveshjet e tyre me Rusinë e as në statusin e saj brenda bashkimit ekonomik. Udhëheqësit evropianë thanë se marrëveshja me Kazakistanin dëshmon që vendet nuk duhet të zgjedhin midis lidhjeve në mes të BE-së dhe Rusisë./arbresh.info/