Bashkimi Evropian (BE) po përgatitet të vendosë liderin e Kishës Ortodokse Ruse, Patrikun Kirill, në listën e sanksioneve për mbështetje të ofensivës së Rusisë ndaj Ukrainës, transmeton Anadolu Agency (AA).

Mediat perëndimore raportuan se BE-ja do të përfshijë Patrikun Kirill në paketën e 6-të të sanksioneve të përgatitura kundër Rusisë. Në tekstin e sanksioneve të përgatitura nga Shërbimi i Marrëdhënieve me Jashtë të BE-së, Patriku Kirill përmendet si “një nga mbështetësit kryesorë të sulmit të Rusisë ndaj Ukrainës”.

Patriarku Kirill u cilësua gjithashtu si aktor i rëndësishëm që ka forcuar diskursin e presidentit rus Vladimir Putin për Ukrainën. Si shembull janë cituar edhe fjalimet e Kirillit në mbështetje të luftës.

Patriku Kirill prej kohësh konsiderohet si një nga mbështetësit më të rëndësishëm të Putinit.

Thuhet se paketa e 6-të e sanksioneve të BE-së përfshin masa si ndalimi i importit të naftës nga Rusia, heqja e disa bankave nga sistemi SWIFT, përfshirë Sberbank, një nga bankat më të mëdha të Rusisë, dhe ndalimi i disa mediave ruse.