Polemika në Grumo Appula në Bari, pasi prifti don Michelle Delle Foglie, ka afishuar nëpër rrugë disa njoftime funerali, ku fton besimtarët në meshën përkujtimore të puljezit Rocco Sollecito, bosi i organizatës kriminale “Ndragheta” i vrarë në maj në Montreal të Kanadasë.

Jam “shpirtërisht në krah të familjarëve”, ka shkruar Don Michelle. Sollecito, eksponent i spikatur i krimit të organizuar italian në Katana, u vra me armë zjarri.

Sipas hetuesve, Sollecito, bosi i klanit ‘Rzzuto’,, është vrarë në luftën mes mafies dhe organizatës kalabreze “Ndragheta”, që zhvillohet edhe përtej oqeanit. Qershorin e shkuar, kuestori i Barit nuk lejoi zhvillimin e funeralit në mënyrë madhështore, vendim jo i pranuar nga prifti Michele Delle Foglie.

“Prifti, i cili ndodhet shpirtërisht në krah të familjarëve që banojnë në Kanada dhe me djalin Franco, i ardhur për vizitë në qytezën tonë, fton komunitetin e besimtarëve në celebrimin e një meshe të shenjtë në kujtim të të afërmit të tyre”, – lexohet në njoftimin e shpërndarë në qytet, ku është parashikuar edhe një liturgji për datën 27 dhjetor.

Megjithatë,m dyert e kishës qëndruan të mbyllua, sepse arqipeshkëvi nuk e lejoi mbajtjen e një meshe të tillë, duke njoftuar policinë të ndërhyjë.