Ministri i Jashtëm i Austrisë, Sebastian Kurz, ka deklaruar se Austria është duke hartuar një ligj për ndalimin e shamive në institucionet publike, duke përfshirë edhe mësuesit.

Duke e përshkruar Austrinë si ‘vend laik’, një zëdhënës i Kurz tha simbolet e krishtere do të lejohen nëpër shkolla për shkak të ‘kulturës’ në vend, transmeton arbresh.info.

Propozimi është pjesë e një ligji të përditësuar, i cili ligj do të përfshijë ndalimin e ferexheve, si dhe kufizimet e caktuara për shpërndarjen e Kuranit nga salafistët myslimanë.

Megjithatë, projekligji pritet të miratohet nga parlamenti.

Franca ka qenë vendi i parë që ndaloi veshjen e grave myslimane, ndërsa muajin e kaluar kancelarja gjermane, Angela Merkel, ka bërë thirrje se ‘edhe Gjermania do të shqyrtojë ndalimin  e veshjeve myslimane’./Arbresh.info