Presidenti i Sirisë, Bashar al-Assad, ka kritikuar vendet e BE-së duke thënë se po dëmtojnë interesat e qytetarëve në Siri duke mbështetur terroristët.

Ai ka shtuar se vendet e BE-së ‘nuk janë të interesuara që të luajnë ndonjë rol në zgjidhjen e krizës në Siri’, transmeton portali arbresh.info.

“Shumica e vendeve evropiane kanë ndjekur një politikë të palogjikshme që nga fillimi i krizës në Siri. Ato e kanë izoluar vetën dhe e kanë humbur mundësinë për të luajtur ndonjë rol në zgjidhjen e krizës. Gjithashtu, veprimet e tyre kanë dëmtuar interesat e popujve të tyre për shkak të mbështetjes së grupeve terroristë kundër popullit sirian”, ka thënë Assad gjatë një takimi me një deputet belg në Damask, shkruan agjensia e lajmeve Sana.

Filip Dewinter, kreu i delegacionit të deputetëve belgë, ka theksuar se vizita e tij në Siri ka qenë shumë e rëndësishme pasi kjo do të ndihmojë për të patur informacion të saktë dhe real në lidhje me situatën në vend./Arbresh.info