Petr Pavlensky, artisti rus që përmes veprave të tij ka kundërshtuar sistemin qeveritar në Rusi, ka thënë se është larguar nga vendi.

Ai dhe partnerja e tij janë akuzuar për ‘veprime të dhunshme të një natyre seksuale”, ka thënë ai për BBC, transmeton arbresh.info.

Ai ka këmbëngulur se pretendimi ishte i rremë dhe se qeveria e ka përdorur këtë argument me qëllim për të hequr qafe atë.

Pavlensky, i cili e quan vetën artist politik është përballur me akuza disa herë me akuza për punën e tij.

Kohën e fundit ai ishte burgosur për shtatë muaj për shkak të djegies së derës së agjensisë së inteligjencës në Rusi.

Ai dhe partnerja e tij, Oksana Shalygina, janë ndaluar nga policia në aeroportin Sheremetievo në Moskë.

“Ne kemi pasur një paralajmërim, se policia po na kërkonte. Por, s’kishim asnjë arsye që ta merrnim seriozisht, kështuqë e injoruam. Kur na ndaluan në aeroport, e kuptuam se ata e kishin seriozisht”, tha ai.

Ai gjithashtu është akuzuar për pretendime seksuale, akuzë e cila ka për dënim së paku 10 vite burg./Arbresh.info