Sipas një studimi të ri për mjedisin, akullnajat në pjesën perëndimore të Amerikës Veriore, përfshirë Alaskan, janë duke u shkrirë katër herë më shpejtë se gjatë dekadës së kaluar, duke përkeqësuar edhe më shumë efeket afatgjate të ndryshimeve klimatike.

Sipas studimit të Unionit Amerikan të Gjeofizikanëve, lëvizja e masave të ajrit ka ndryshuar dhe ka sjellur më shumë borë në pjesën e Shteteve të Bashkaura sesa në pjesën e Kanadasë. Besohet se këto ndryshime janë të lidhura ngushtë me ngrohjen globale. Ngrohja e shkaktuar nga djegia e fosileve pritet ta sjellë shkrirjen e vazhdueshme të akullnajave alpine, pavarësisht masave për kontrollim të gazrave.

Akullnajat e Alaskas marrin më shumë vëmendje në Amerikën Veriore për shkak se Alaska po ngrohet më shpejt se pjesa tjetër kontinentale e Shteteve të Bashkuara. Në njërën nga akullnajat më të gjata të Amerikës, “Mount Hunter”, bora po shkrihet 60 herë më shumë se para 150 vjetëve.

Akullnajat e hulumtuara në studimin e ri janë shumë më të vogla se ato të Alaskas, prandaj ato nuk mund ta rrisin shumë nivelin e oqeanit. Megjithatë, shkrirja e akullnajave pakëson ujin për sistemet e lumenjve kur ka pak reshje bore. Kështu, miliona njerëz në pjesë të ndryshme të botës mund të rrezikohen nga mungesa e ujit.

Autorët e këtij studimi i kanë marrë të dhënat përmes krahasimit të pamjeve satelitore të akullnajave nga vitit 2000 në vitin 2009 dhe nga viti 2009 në vitin 2018. Ata kanë vërejtur ndryshime në lartësinë e akullnajave. Disa hulumtues tjerë po mundohen t’i marrin pamjet e arkivës nga vitet e gjashtëdhjeta në mënyrë që t’i studiojnë efektet afatgjate të ngrohjes globale, shkruan “The Guardian”