Aksident në Kaliforni, vdesin 15 persona

23:20 | 2 Mars 2021

Të paktën 15 njerëz janë vrarë në një përplasje të tmerrshme midis një automjeti të ngarkuar me pasagjerë dhe një kamioni në Kaliforninë e Jugut, tha një qendër spitali.

“Ne mendojmë se ishin 27 pasagjerë në SUV që u përplasën me një gjysmë rimorkio ngarkese plot zhavorr”, tha Judy Cruz, shefi i departamentit të urgjencës në Spitalin El Centro, pranë kufirit meksikan, transmeton portal arbresh.info

Sipas saj, të paktën 14 pasagjerë vdiqën në vendin e aksidentit, dhe një me rastin e pranimit në spital, ku gjashtë persona u pranuan në departamentin e urgjencës.

Të paktën pesë viktima të akisdent, që ka ndodhur në rrethana të pasqaruara, u evakuuan me helikopter në spitale tjera rreth zonës.

Oficeri i policisë së trafikut në Kaliforni Jack Sanchez tha me kërkesë të USA Today se SUV i përfshirë në aksident ishte një Ford Expedition, një model që mund të strehojë maksimalisht tetë pasagjerë.

Shërbimi i shpëtimit tha se aksidenti ndodhi pak pas orës 6 të mëngjesit me kohën lokale në Rrugën Kombëtare 115 afër Holtville, rreth dhjetë milje në veri të kufirit SHBA-Meksikë./arbresh.info/

Shpërndaje në rrjete sociale

Lajmet më të lexuara