Ushtria amerikane thotë se beson se ka vrarë një planifikues për një degë të grupit Shteti Islamik (IS) në një sulm me dron në Afganistanin lindor.

Anëtari i dyshuar i grupit Isis-K ishte shënjestruar në Provincën Nangahar, shkruan BBC, transmeton portal arbresh.info

Grupi terrorist Isis-K kanë marrë përgjegjësinë për kryerjen e sulmit terrorist në aeroportin e Kabulit, ku mbetën të vdekur 170 njerëz, përfshirë 13 trupa amerikane.

Sulmi është kryer jashtë aeroportit të Kabulit, në kohën kur po zhvilloheshin evakuimet masive.

Në dy javët e fundit, më shumë se 100 mijë njerëz besohet se janë evakuuar, ndërsa afati i fundit për forcat ushtarake amerikane për të lënë Afganistanin është data 31 gusht.

Pas shpërthimit në Kabul, Presidenti Joe Biden premtoi se xhihadistët do “ta paguanin” për sulmin e bërë.
Isis-K, ose Provinca Khorasan e Shtetit Islamik, është grupi më ekstrem dhe më i dhunshëm nga të gjitha grupet militante xhihadiste në Afganistan./arbresh.info/