Qindra kryengritës talebanë kanë nisur një sulm të madh në mëngjesin e  së shtunës në një lagje të provincës Badakhshan në verilindje të Afganistanit, ku u dërguan përforcime të mëdha  për të ndihmuar policët e rrethuar atje, thanë zyrtarët.

Rreth 300 luftëtarë talebanë kishin në shënjestër qarku Yamgan, një rajon malor me asnjë rrugë që shpie drejt tij, tha Sakhi Dad Haidari, zëvendës shef i policisë provinciale në Badakhshan. Haidari paralajmëroi se distrikti mund të bjerë në duar të militantëve pasi përforcimet mbërritën vetëm të shtunën pasdite.

Lal Mohammad Ahmadzai, zëdhënës i shefit të policisë provinciale në Badakhshan, tha se kryengritësit janë afër selisë së qarkut dhe një betejë e ashpër ende po zhvillohet. Nuk ka numër të saktë të viktimave.

Zëdhënësi i talebanëve Zabihullah Muxhahid mori përgjegjësinë për sulmin, duke thënë se militantët e pushtuan selinë e qarkut./arbresh.info/