Shtetet e Bashkuara kanë paralajmëruar qytetarët e tyre që të shmangin aeroportin e Kabulit në mes të shqetësimeve për potencialin e sulmeve nga dega në Afganistan e grupit të Shtetit Islamik (IS).

Një alarm i sigurisë u është dhënë qytetarëve amerikanë, duke theksuar që të qëndrojnë larg për shkak të “kërcënimeve të sigurisë jashtë portave”, shkruan BBC, transmeton portal arbresh.info

Vetëm ata që u është thënë individualisht të bëjnë udhëtimin nga një përfaqësues i qeverisë amerikane duhet ta bëjnë këtë, tha ai.

Zyrtarët amerikanë të mbrojtjes thanë se po monitoronin zhvillimet dhe po shikonin rrugë alternative.

Asnjë hollësi e mëtejshme nuk u dha në lidhje me kërcënimin e mundshëm të një sulmi të IS, edhe pse grupi nuk ka kërcënuar publikisht se do të kryejë sulme në Kabul.

Shqetësimi amerikan erdhi në mes të kaosit të vazhdueshëm jashtë terminalit të aeroportit dhe raporteve që disa njerëz janë shtypur, ndërsa mijëra të tjerë janë duke u përpjekur vazhdimisht të largohen nga Afganistani./arbresh.info/