Ushtria Filipine në një operacion kundër terroristëve vranë 56 militantë islamikë, duke përfshirë një të huaj, dhe 21 persona të plagosur.

Muajin e kaluar ushtria nisi një operacion kundër luftëtarëve Bangsamoro për lirinë e islamit në rajonin e ligatinave bujqësore në ishullin Mindanao ku kryengritësit myslimanë luftojnë për pavarësi me dekada të tëra.

Operacioni i fundit ndodhi pas operacionit të madh anti-terrorist në janar kur filipinasit vranë ekstremistin e Malajzisë Zulkfli bin Hira, një nga njerëzit më të kërkuar në Azi, ku mbetën të vrarë edhe  44 komando Filipine.

Disa ligjvënës Filipin e kanë vënë në pikëpyetje pjesëmarrjen e ushtrisë amerikane i cili besohet se, kohë më parë, ka luajtur një rol kyç në operacionin e ishullit Mindanao , zonë me shumicë popullsie muslimane. Nga burime të panjohura thuhet se janë parë drone të SHBA-ve duke  fluturuar mbi zonë në kohën e operacionit.

Presidenti i Senatit në Filipine Franklin Drilon, një anëtar i fuqishëm i Partisë Liberale në pushtet dhe një prej të pesë senatorëve të cilët ngritën çështjen e pjesëmarrjes së amerikanëve në operacion, pyeti nëse FBI e dinin për këtë operacion paraprakisht.

Drilon shtoi se komandanti i policisë Getulio Napenas ka humbur punën e tij për shkak të kësaj çështje.

Amerikanët nuk janë të lejuar të marrin pjesë në operacionet luftarake në Filipine./arbresh.info/