Australia ka marrë më shumë se 3.500 të evakuuar nga Afganistani, kryesisht gra dhe fëmijë, pasi talebanët pushtuan vendin muajin e kaluar, bëri të ditur kryeministri Scott Morrison.

Një transport ajror ndërkombëtar filloi më 14 gusht ndërsa militantët islamikë mbërritën në portat e Kabulit, pasi kishin kapur tashmë pjesën më të madhe të vendit, transmeton arbresh.info

Si pjesë e asaj përpjekjeje, Australia evakuoi 4,100 qytetarë dhe afganë me viza, megjithëse disa me kombësi të dyfishtë zgjodhën të shkonin diku tjetër.

Shumë nga të evakuuarit u transferuan në Emiratet e Bashkuara Arabe për të pritur zhvendosjen në Australi, dhe Morrison tha se fluturimi i fundit mbërriti të mërkurën vonë në pjesën e fundit të arratisjes nga “një nga pjesët më të dëshpëruara dhe më të rrezikshme në botë”.

“Nga ata 3.500, rreth 2.500 janë gra dhe fëmijë,” u tha Morrison gazetarëve në Canberra.

Australia ishte pjesë e një force ndërkombëtare të udhëhequr nga NATO që trajnoi forcat afgane të sigurisë dhe luftoi talebanët për dy dekada pasi forcat e mbështetura nga perëndimi rrëzuan militantët islamikë nga pushteti në 2001. Më shumë se 39,000 mijë trupa australianë shërbyen në Afganistan dhe 41 u vranë./reuters/arbresh.info/