20 të vdekur nga zjarri në një ritual mysliman

09:01 | 14 Prill 2017
Arbresh.info

Qeveria e Senegalit thotë se të paktën 20 persona kanë humbur jetën në një zjarr gjatë një rituali mysliman në pjesën lindore të vendit, raporton AP.

Zëdhënësi i qeverisë Seydou Gueye ka thënë që disa të tjerë janë lënduar në këtë zjarr në fshatin Medina Gounass, transmeton portali arbresh.info.

Presidenti Macky Sall u ka shprehur ngushëllime familjarëve të viktimave. Ai ka thënë se gjatë ditës ministri i brendshëm do të vizitojë vendin e ngjarjes.

Televizioni kombëtar senegalez njoftoi se erëra të forta dhe strehët e improvizuara lejuan që zjarri të përhapet, edhe pse shkaku i zjarrit nuk dihet ende.

Mijëra myslimanë nga Senegali, Guineja dhe vendet e tjera të Afrikës Perëndimore takohen çdo vit në Medina Gounass për tërheqjen shpirtërore./Arbresh.info