Dogana e Kosovës është duke vazhduar ta zbatojë vendimin e Qeverisë së Kosovës për vendosjen e taksës 100% të produkteve të cilat vijnë nga Serbia dhe Bosnja Hercogovina.

E këtë e ka konfirmuar edhe zëdhënësi i Doganës së Kosovës , Adriaktik Stavileci ka thënë për portalin arbresh.info se deri në këto çaste  nuk ka hyrë dhe nuk është kthyer asnjë kamion nga Serbia.

“ Sot nuk ka pasur as hyrje e asaj dalje të mallrave serbe, asnjë hyrje të kamionëve të Serbisë në Kosovë”, ka thënë Stavileci.

Këtë vendim që të rrisë në 100% taksën doganore për produktet e importuara nga Serbia dhe Bosnja, Qeveria e Kosovës e mori të mërkurën dhe menjëherë ka hyrë në fuqi.

Rritja e taksës, pason vendimin paraprak të Qeverisë për vendosjen e një takse prej 10 % për prodhimet nga Serbia dhe Bosnja e Hercegovina./arbresh.info/