Pas mbledhjes së Kryesisë së Kuvendit, kreu i Kuvendit, Kadri Veseli tha se më 2 shkurt do të mbahet seanca me nëntë pika të rendit të ditës.

“Partitë opozitare të marrinë përgjegjësitë që kanë”, deklaroi Veseli.

Deputeti i LDK-së, Armend Zemaj, tha se kanë kundërshtuar, duke e quajtur si “agjendë të kushtëzuar”.

“Ne e kundërshtuam në emër të LDK-së. E para agjenda e kushtëzuar e këtij koalicioni qeverisës me tendenca të zgjerimit edhe me subjekte tjera. Dy pika që mendojmë se janë kontesutese kanë të bëjnë me shpejtimin e çështjeve që kërkojnë koncensusin nacional. Një ndër pikat që u vendos është edhe dialogu”, ka thënë ai.

Deputeti i PSD-së, Dardan Sejdiu deklaroi se në seancën e 2 shkurtit do të diskutohet edhe për Statutin e Trepçës.

“Në rend dite është ligji për oaga dhe ligje tjera si për kodin penal. Po ashtu është edhe Statuti për Trepcën. Besoj që është kushtet që i kemi vendosur do të plotësohen” ka thënë ai./arbresh.info/