Kanë kaluar më shumë se dy muaj që nga nënshkrimi i peticionit për bashkimin e Mitrovicës Veriore me atë Jugore nga banorët shqiptarë.

Ky peticion që ishte nismë e kryetarit të Mitrovicës, Agim Bahtiri është dorëzuar në Kuvendin e Kosovës dhe Presidencë, por jo edhe në adresën e duhur.
Ai madje ende nuk ka arritur te Komisioni Parlamentar për të Drejtat e Njeriut, Barazi Gjinore, për Persona të Pagjetur dhe Peticione.

Për këtë neglizhencë të çuarjes përpara të këtij peticioni disa qytetarë të Mitrovicës mendojnë se iniciativa e Agim Bahtirit ka qenë më shumë politike.

Disa të tjerë mendojnë se ka qenë një përpjekje e tij, por sipas tyre kjo çështje iu takon politikave më të mëdha e nuk varet nga kryetari Bahtiri.

Qytetarët e pyetur se a besojnë se një ditë do të bashkohet Mitrovica, shprehen mjaftë skeptik në këtë drejtim./Arbresh.info/