Sot në Asamblenë e INTERPOL-it që u mbajt në Dubai, Kosova u përfaqësua nga një delegacion i gjerë. Por këtij delegacioni i mungonte Ministri i Punëve të Brendshme, Ekrem Mustafa. Mediat raportuan se shkak i mosshkuarjes së Mustafës në Asamble ishte aktakuza ndaj tij. Në një bisedë për Gazetën Express, Ministri tregon pse nuk shkoi në Dubai.

Ministri i i MPB-së, Ekrem Mustafa, thotë se nuk shkoi në Asamblenë e INTERPOL-it sepse dikasteri që udhëheq është përfaqësuar nga pjesëmarrës policor-teknik. Ai mohon se shkak i mospjesëmarrjes së tij ka qenë aktakuza, që ditë më parë iu bë publike.

“S’eshtë e vërtetë që s’kam shku për shkak të aktakuzës, Interpoli është mekanizëm policor e jo politik. Vetëm për këtë shkak nuk kam shku, kam pas sygjerime që me shku delagacioni që e kan përpilu statusin për me hy në INTERPOL”, tha ministri për Gazetën Express.

MPB ka vendos me u paraqit me delegacion me pjesmarres policor-teknik. Dmth MPB e kan perfaqesu Policia, Drejtori i Pergjithshem edhe zyrtart tjerë, thanë edhe zyrtarë tjerë të kësaj ministrie.

Ndryshe, Kosova në këtë Asamble u përfaqësua nga një delegacion i gjerë. Vlen të ceket edhe udhëtimi i një numri të madh të gazetarëve për ta përcjëllë këtë ngjarje, e cila u sponsorizua nga Ministria e Punëve të Jashtme.

Sidoqoftë, Kosova dështoi të anëtarësohej sot në INTERPOL pas dy rundeve, ku nuk mori dy të tretat e votave. Në rundin e para siguroi 76 vota pro, 56 kundër, ndërsa në rundin e dytë pas 20 minutave pati 65 vota pro dhe 51 kundër.