Dhjetëra persona kanë marshuar nga sheshi “Skënderbe” drejt sheshit “Zahir Pajaziti” në kërkim të respektimit të të drejtave të njeriut

“Qëllimi është që të përçohet mesazhi më i fuqishëm për respektimin e të drejtave të njeriut,” është shprehur Avokati i Popullit, Hilmi Jashari, raporton arbresh.info.

Institucioni i Avokatit të Popullit, në bashkëpunim me organizata joqeveritare, mbajtën marshin “Çohu për të drejtat e njeriut”.

Luljeta Demolli, në emër të organizatave të shoqërisë civile kërkoi eliminimin e diskriminimit të disa grupeve të margjinalizuara të shoqërisë.

“Në Kosovë mungon respekti për të drejtat e njeriut,” deklaroi Demolli.

Në të gjithë botën, në këtë ditë, 70 vjet më parë, shtetet e Kombeve të Bashkuara u bashkuan për të miratuar Deklaratën Universale të të Drejtave të Njeriut./arbresh.info/