Kryeministri nënshkruan në Librin e Ngushëllimeve për ish-presidentin amerikan

11:19 | 4 Dhjetor 2018
A Z

Kryeministri Ramush Haradinaj është nënshkruar në Librin e Ngushëllimeve që Ambasada e Shteteve të Bashkuara të Amerikës në Kosovë e ka hapur me rastin e vdekjes së- ish presidentit George H.W.Bush.

“Me respekt të madh për një lider, i cili përfaqësonte vlerat më të përsosura të popullit amerikan, sot kam nënshkruar në Librin e Ngushëllimeve, në Ambasadën e Shteteve të Bashkuara të Amerikës në Prishtinë, me rastin e ndarjes nga jeta të Ish-Presidentit George H.Ë. Bush. Njëkohësisht, ua përcjella ngushëllimet e mia Qeverisë së ShBA-së, popullit amerikan dhe familjes Bush”, ka shkruar Haradinaj në Facebook, përcjell lajmi.net.

Ai ka thënë se Presidenti Bush Senior, do ta ketë gjithmonë një vend nderi në kujtesën e popullit tonë, si dritë shprese për liri dhe demokraci për Kosovën.