Kryeministri i Kosovës, Ramush Haradinaj, ka mbajtur një fjalim në ‘Konferencën e Tretë Nacionale të Parlamentit Rinor Europian’ për pozitën e të rinjve të Kosovës dhe për synimet e vendit për integrime euro-atlantike.

Haradinaj ka thënë se rinia e Kosovës e do Evropën dhe se dëshiron t`i bashkohet asaj pasi që kjo është e drejtë e natyrshme e saj, përcjell lajmi.net.

“Mohimi i lëvizjës së lirë për të rinjtë tanë i vë në pozitë diskriminuese përballë të rinjve në kontinentin tonë”, është shprehur kryeministri.

Ja postimi i plotë

“Rinia e Kosovës e do Europën dhe dëshiron t’i bashkohet asaj, si e drejtë e natyrshme e saj. Kënaqësi të flisja për pozitën e të rinjve të Kosovës dhe synimin tonë të qartë për integrime euro-atlantike, në Konferencën e Tretë Nacionale të Parlamentit Rinor Europian. Mohimi i lëvizjës së lirë për të rinjtë tanë i vë në pozitë diskriminuese përballë të rinjve në kontinentin tonë. Rinia jonë kërkon mbështetje dhe miq, që porosia e saj të arrijë tek qytetarët europianë. Tani është koha ta ndihmojmë njëri-tjetrin dhe të ardhmen tonë të përbashkët”, ka shkruar Haradinaj.

RH