Ish kryeministri i Kosovës, njëherësh kryetari i Lidhjes Demokratike të Kosovës, Isa Mustafa ka kërkuar dorëheqjen e institucioneve siç ka thënë ai të papërgjegjshme.

Kjo kërkesë e Mustafës erdhi për shkak të dorëheqjes së katër kryetarëve të komunave serbe në veri, dhe ndërprerjes së kontaktit me Prishtinën zyrtare, shkruan arbresh.info.

“Institucionet e vendit nuk po sillen me përgjegjësi ndaj gjendjes së krijuar në veri të vendit. Sjellja, veprimet dhe mosveprimet e Qeverisë dhe të Kuvendit, pa marrë parasysh se çfarë deklaron Kryetari i Kuvendit, Kryeministri dhe disa ministra, po bëhen pjesë e projektit të ndarjes së veriut të Kosovës. Po shihet qartë se Presidenti nuk është vetëm në idenë e tij për korrigjim të kufijve”, thotë ish kryeministri.

Më tej kryetari i LDK-së, tha se për efekte populiste e të fushatave po rrezikohet integriteti territorial i vendit.

“Është e papranueshme që për efekte populliste e të fushatës të rrezikohet integriteti territorial dhe ushtrimi i pushtetit në terë territorin e vendit. Institucionet e tilla të papërgjegjshme duhet të japin dorëheqje dhe të shpërndahen. IM”, përfundon shkrimin ai./Arbresh.info/