Gjykata Themelore në Prishtinë – Departamenti për Krime të Rënda ka vendosur lidhur me kërkesën e Prokurorisë Themelore në Prishtinë-Departamenti për Krime të Rënda për caktimin e masës së paraburgimit kundër të pandehurit Baki Rrahmani, për shkak të veprave penale Keqpërdorimi i pozitës apo autoritetit zyrtar nga neni 422 par. 1 të KPK-së dhe Marrja e ryshfetit nga neni 428 par. 1 të KPK-së.

Gjykata ka marr aktvendim dhe të pandehurit B.RR iu është caktuar masa e arrestit shtëpiak prej datës 21.02.2019 deri me datë 21.03.2019.

Ekziston dyshimi i bazuar se i pandehuri B.RR duke shfrytëzuar detyrën apo autoritetin zyrtar, në cilësinë e personit zyrtar pranë Gjykatës Themelore në Prishtinë, me qëllim të përfitimit pasuror për vete ka keqpërdorur detyrën e tij zyrtare duke i tejkaluar autorizimet e tij.

Gjykata ka konstatuar se caktimi i masës së arrestit shtëpiak është e arsyeshme për zhvillimin e procedurës penale pa pengesë në sigurimin e prezencës së të pandehurit në procedurë, ndikimit në të dëmtuar apo dëshmitar, si dhe në parandalimin e përsëritjes së veprës penale.

Pala ka të drejtë ankese kundër këtij vendimi në Gjykatën e Apelit të Kosovës.