Arrestohen dy persona në Vushtrri

16:30 | 9 Nëntor 2018
Arbresh.info

Policia e Kosovës në Vushtrri, të premten në orët e pasdites ka arritur t’i identifikojë dy të dyshuar dhe më pas t’i arrestojë për veprën “ tentim vrasje “ dhe “arratisje e personit të privuar nga liria”.

Arrestimi i tyre u bë gjatë një kontrolli policor ku të dyshuarit L.B 18 vjeç, i është gjetur dhe i është konfiskuar një pistoletë me pesë fishekë.

I njëjti ishte në kërkim nga Policia në Mitrovicë për veprën “ tentim vrasje “, të ndodhur javë më parë.

I arrestuari tjetër është L.L 20 vjeç, i cili ishte arratisur nga Qendra Korrektuese në Lipjan. Ai i është dorëzuar Njësisë së Hetimeve Rajonale në Prishtinë, thuhet në komunikatën e Policisë së Kosovës në Mitrovicë.

Ndaj të dyshuarit L.B pas intervistimit nga prokurori i është caktuar masa e ndalimit policor për 24 orë.