Zyrtarë të AAK’së iu janë përgjigjur akuzave të anëtarit të Kryesisë së PDK’së, Bujar Cakollit, i cili lëshoi akuza në drejtim të Kryeministrit në dorëheqje, duke thënë se Haradinaj ka ikur nga përgjegjësia politike.

Përmes një postimi në Facebook, Fikneta Bejta nga kjo parti i ka sugjeruar Cakollit që në vend të rezervave shtetërore të flas për rrjedhat e inovacioneve në sallonet e bukurisë.

Ka thënë se e mira e gjithë kësaj është që PDK në fund do të dal nga loja.

“Zëvendësministri i Besim Beqajt, Cakolli paska fol për dorëheqjen e Kryeministrit Haradinaj, ai e paska akuzuar Kryeministrin për harxhimin e rezervës shtetrore. Cakolli mirë kishte me qenë me na tregu diqka për rrjedhat e inovacioneve tek sallonet e bukurisë. E mira e gjithë kësaj është që PDK pêrfundimisht ka me dal prej loje”, ka shkruar Bejta.