Për herë të parë që nga viti 2014, forcat palestineze në Rripin e Gazës kanë gjuajtur mbi 100 predha artilerie dhe raketa në lokalitetet e afërta të Izraelit, duke plagosur së paku gjashtë njerëz.

Në të njëjtën kohë, Forcat e Mbrojtjes të Izraelit (IDF) gjithashtu kanë qenë ushtarakisht aktivë gjatë gjithë ditës, duke nisur të paktën 30 sulme ajrore mbi Rripin e Gazës, transmeton portali arbresh.info

Izraelit e ka fajësuar Hamasin për dhunën, ndërsa kjo e fundit e ka akuzuar Izraeli për ndezjen e tensioneve.

Kjo përgjigje e madhe nga forcat palestineze erdhi vetëm 24 orë pasi katër palestinezë u vranë si pasojë e bombardimeve të kryera nga forcat izraelite.

Për të parandaluar eskalimin e situatës, Shtetet e Bashkuara kanë kërkuar një mbledhje urgjente të Këshillit të Sigurimit të OKB-së./arbresh.info/