Trajneri i Gjermanisë, Joachim Low, e ka publikuar listën e përkohshme me lojtarë të ftuar për Kupën e Botës në Rusi.

Në të janë përfshirë edhe portieri i Bayern Munichut, Manuel Neuer, dhe anësori i Borussia Dortmundit, Marco Reus.Neuer ka qenë i lënduar që prej shtatorit të kaluar, pasi e theu këmbën, dhe është paraqitur vetëm katër herë që prej prillit.

Megjithatë, Low e ka përfshirë atë në listën e portierëve bashkë me Marc-Andre ter Stegen, Bernd Leno dhe Kevin Trapp.

Ndërkohë, Reus më në fund do të ketë rastin të luajë në Botëror, pasi e ka kthyer formën fizike pas lëndimit që e pësoi në shkurt. Reus kishte munguar në Botërorin e kaluar edhe pse ishte ftuar në listën fillestare.

Mbrojtësi shqiptar i Arsenalit, Shkodran Mustafi nuk është ftuar fare pas një sezoni të përshkruar me gabime trashanike në Premierligë.

Mario Gotze, i cili e shënoi golin e fitores në finalen e Botërorit të kaluar, nuk është ftuar, pas rënies drastike në formë këtë sezon.

Kjo është lista e plotë e përkohshme e Gjermanisë për Kupën e Botës.

Here it is! ? The provisional #DieMannschaft squad for the 2018 #WorldCup! ??? #ZSMMN pic.twitter.com/7HxNQaeU8s

— German Football (@DFB_Team_EN) May 15, 2018