Eusebio Di Franceso ka thënë se Roma dëshiron të përfundojë në vendin e tretë në Serie A.

Pas një sezoni mbresëlënës në Ligën e Kampionëve ku arritën deri në gjysmëfinale, Roma i ka vendosur një tjetër synim vetes, përfundimi në vendin e tretë në kampionatin vendas.

‘Giallorosët’ renditen në vendin e tretë në Serie A kur kanë mbetur edhe dy xhiro, por shumë lehtë mund ta humbasin këtë vend nëse nuk marrin rezultate pozitive në ndeshjet e mbetura, kur luajnë me Juventusin në shtëpi dhe Sassuolon në udhëtim.

Trajneri i Romës para derbit me Juventusin, ka thënë se objektiv i skuadrës së tij është vendi i tretë.

“Ne e dimë se sa e vështirë do të jetë ndeshja e nesërme, por ne duam të arrijmë qëllimin tonë, që është vendi i tretë”, ka deklaruar Di Francesco.

“Duhet të kemi shumë kujdes ndaj Juventusit që po ashtu kërkon fitoren, ata janë një skuadër e fortë dhe kanë një mentalitet fitues”.