Arsene Wenger ka insistuar se Shkodran Mustafi nuk ka qenë asnjëherë afër largimit nga Arsenali, duke e konsideruar mbrojtësin e Gjermanisë si pjesë e rëndësishme e së ardhmes së skuadrës nga Londra.

Vetëm pas një sezoni në fanellën e Arsenalit, Mustafi ishte bërë pjesë e shumë spekulimeve për një kalim në Serie A, te skuadra e Interit.

Ky transferim nuk u finalizua dhe Mustafi mbeti pjesë e Arsenalit.“Ai kurrë nuk ka qenë afër largimit”, ka thënë Wenger për ‘DailyMail’.

“Ai është një mbrojtës i ri i cili ka pasur rënie dhe ngritje. Unë besoj se ai në përgjithësi ka potencial. Ai është një nga djemtë më të angazhuar dhe i gatshëm për t’u përballur me sfida”.

“Nuk fshihet nga përgjegjësia, kështu që ai është një mbrojtës premtues për të ardhmen. Përvoja do ta ndihmojë”.