Ernesto Valverde ka folur në konferencë për shtyp para ndeshjes në finale të Kupës së Mbretit kundër Sevillas.

Trajneri i Barcelonës ka kërkuar nga skuadra e tij të “mbajnë në mend” atë që ndodhi dy javë më parë në UEFA Ligë të Kampionëve në Olimpico kundër Romas, e cila befasoi gjigantin katalunas duke e eliminuar pas fitores 3 me 0, transmeton portali arbresh.info.

“Sevilla është një skuadër e mirë dhe ata kanë një numër të madh lojtarësh kualitativ që mund të bëjnë dallimin. Kjo padyshim do të jetë një ndeshje e rëndësishme për të fituar për ne dhe ne jemi të motivuar për ta fituar atë”, ka thënë fillimisht Valverde.

“Si do të luajmë kundër Sevillas? Nuk e di, por  e di se ata mund të jenë të rrezikshëm në mënyra të ndryshme. Kemi qenë pak të ngadaltë së fundmi, por ne kemi pasur disa ndeshje të mëdha gjatë javëve, gjë që nuk është aspak ndihmuese”

“Ne kemi obligim për të luajtur gjithmonë mirë për shkak se ne jemi Barcelona. Kjo nuk është ndryshe si ndonjë finale tjetër për ne, ata janë shumë të rëndësishëm”

“Skuadra favorite? Ne ishim shumë favorit kundër Romas gjithashtu në Ligë të Kampionëve, por përfunduam të eliminuar. Ne jemi në gjendjen e duhur mendore për të luajtur kundër Sevillas”

Barcelona është vetëm një fitore larg titullit në La Liga, ku vazhdojnë ende të jenë të pamposhtur./arbresh.info/