Kosova U-17 udhëtoi për Irlandën Veriore, merr pjesë në një turne

12:09 | 3 Prill 2018
Arbresh.info

Kosova U-17 , sot ka udhëtuar në Irlandën Veriore ku do të marrë pjesë në turneun zhvillimor që mbahet nën përkujdesjen e UEFA-s për grupmoshat U-16 (U-16 Develompent Tournament”), njofton FFK, raporton arbresh.info.

Edhe vitin e kaluar Kosova ishte pjesëmarrëse e këtij turneu dhe ky është i dyti i një formati të tillë, që ka për qëllim zhvillimin e futbollit te grupmosha U-16 dhe zhvillimin e tyre të gjithëmbarshëm.

Para nisjes në aeroportin ndërkombëtar “Adem Jashari”, përzgjedhësi Besnik Kollari, u shpreh: “Ky është një turne jashtëzakonisht i mirëseardhur e në veçanti për neve si Kosovë, që ka për qëllim zhvillimin e grupmoshave U-16. Ne do ta shfrytëzojmë këtë turne maksimalisht jo vetëm për të bërë një paraqitje të mirë dinjitoze, përballë Kombëtareve me përvojë siç është Irlanda Veriore, Ishujt faro dhe ajo e Luksemburgut, por do të jetë një test i mirë për të gjithë futbollistët e rinj si këta nga Kosova ashtu edhe ata që aktualisht luajnë për skuadrat evropiane, për të parë nivelin e zhvillimit të tyre sikur edhe për të fituar përvojën e duhur. Kemi një grup të mirë të futbollistëve ndaj pres zhvillime poztive”.

Ne këtë turne Kosova do të zhvillojë tri ndeshje.

Kështu, ndeshjen e parë më 4 prill do të luajë kundër Irlandës Veriore, më 6 Prill kundër Ishujve Faro dhe më 8 prill kundër Luksemburgut.

Ekspedita e udhëtuesve

Mirsad Çollaku, anëtar i KE të FFK-së

Besnik Kollari, përzgjedhës

Fadil Berisha, nd. trajner

Bahri Berisha, trajner i portierëve

Gëzim Murseli, mjek

Gezim Zogu, fizioterapeut

Genc Mustafa, Menaxheri i ekipit

Taulant Ahmeti, menaxher i pajisjeve

Futbollistët