Në SHBA protestohet për ashpërsimin e ligjeve për armët

22:08 | 24 Mars 2018
Trina Galanxhi

Mijëra protestues janë mbledhur në Florida, ku një muaj më parë ka ndodhur një sulm i armatosur.

Protesta e organizuar në parkun e shkollës ku ka ndodhur sulmi, ka për qëllim që të kërkojë ligje më të rrepta mbi kontrollimin e armëve, transmeton portali arbresh.info

Thirrjes së nxënësve të mbijetuar nga sulmi i janë bashkuar edhe mijëra persona në Uashington, ku konsiderohet se janë mbledhur më shumë se 50 mijë persona.

Marshi i quajtur “Marsh për jetët tona” është planifikuar të ndodhë edhe në disa qytete të mëdha të SHBA-ve.

Gjatë sulmit në Florida, një ish nxënës shkolle la të vdekur 17 persona, kryesisht adoleshentë.

Donald Trump dhe autoritetet kanë dënuar rastin, ndërsa sulmuesi vazhdon të qëndrojë në burg të sigurisë së lartë./arbresh.info/