Mesfushori i Barcelonës, Sergio Busquets nuk do të jetë pjesë e skuadrës për tri javë për shkak se ka thyer një gisht të këmbës.

Ylli i Spanjës u detyrua të largohet nga fusha pas një ore lojë në Camp Nou në fitoren 4 me 1 ndaj Chelseas mbrëmjen e kaluar, transmeton portali arbresh.info. Ai ankohej për dhimbje në këmbë pas një përplasje me sulmuesin e “Bluve”, Oliver Giroud.

“Testet e kryera kanë konfirmuar që lojtari jonë i skuadrës së parë Sergio Busquets ka thyer ashtin e gishtit të këmbës së djathtë”, ka njoftuar Barcelona përmes një deklarate.

“Koha e përafërt e qëndrimit të tij jashtë fushe është tri javë”

29-vjeçari është parë duke qëndruar në bankinë derisa gjaku kishte mbuluar edhe fashën me të cilën mjekët kishin mbështjellë këmbën e tij.

Ky lëndim do të thotë se lojtari është në dyshime për ndeshjen e parë çerekfinale që zhvillohet më 3 ose 4 prill./arbresh.info/