Dimitrov: Maqedonia është punë e papërfunduar për NATO-n

20:32 | 10 Mars 2018
Trina Galanxhi

Ministri i Punëve të Jashtme Nikolla Dimitrov, sot në Bruksel është takuar me senatorin Kris Marfi, bashkëkryetar në Nënkomitetit për Evropën në Komitetin e Marrëdhënieve me Jashtë të Senatit.

Dimitrov dhe Marfi kanë shkëmbyer mendime për situatën aktuale në Maqedoni dhe rajon, duke konstatuar së bashku nevojën për integrimin e Maqedonisë në aleancat euroatlantike, përcjell Telegrafi Maqedoni.

Ministri Dimitrov e ka njoftuar senatorin Marfi me reformat në lidhje me agjendën euroatlantike, si dhe procesin me negociatat për emrin me Greqinë.

“Republika e Maqedonisë është një punë e papërfunduar për NATO-n dhe në vitin 2018 ajo ofron një mundësi të shkëlqyer për të përfunduar vendosmërinë strategjike të qytetarëve për anëtarësim të plotë në Aleancë”, tha Dimitrov.