Ministrja e MMPH-së, Albena Reshitaj dhe kryetari i komunës së Mitrovicës, Agim Bahtiri kanë nënshkruar një memorandum mirëkuptimi që ka të bëjë me realizimin e projekteve në fushën e mjedisit dhe planifikimit hapësinor.

Në këtë ngjarje ishte i pranishëm edhe deputeti në Kuvendin e Kosovës nga radhët e AKR-së, Islam Pacolli, shkruan Arbresh.info.

Ai e ka përgëzuar ministren Reshitaj dhe kryetarin Bahtiri gjatë një konference për media për siç ka thënë, përkrahjen e fuqishme që po japin për Mitrovicën.

“Përgëzoj Agim Bahtirin, e përgëzoj ministreshën që ka dhënë një përkrahje të fuqishme Mitrovicës dhe i ka hapur rrugë edhe ministrive të tjera që të përkrahin Mitrovicën”, ka thënë Pacolli.

Ai u ka bërë thirrje kolegëve të tij deputetë që të japin të njëjtën përkrahje për këtë komunë./Arbresh.info

Gjashtë projekte për mjedisin, në vlerë prej 2.5 milionë euro i ka dorëzuar sot Ministria e Mjedisit dhe Planifikimit Hapësinor në këtë komunë./Arbresh.info

https://www.facebook.com/arbresh.info/videos/1698890810176004/