Bush: Ka prova që Rusia “futi hundët” në zgjedhjet e 2016-ës

WASHINGTON, DC - JUNE 23: Former U.S. President George W. Bush speaks during a conference at the U.S. Chamber of Commerce June 23, 2017 in Washington, DC. The George W. Bush Institute hosted a conference to address veteran issues. (Photo by Alex Wong/Getty Images)

20:24 | 8 Shkurt 2018
Trina Galanxhi

Ish-presidenti amerikan, George W.Bush ka deklaruar se ka “mjaft prova që rusët janë përzier” në zgjedhjet presidenciale të vitit 2016.

Komentet e tij vijnë qartë si një qortim i cili vë në pikëpyetje zgjedhjen e Donald Trump si president, transmeton portali arbresh.info

“Nëse (Rusia) ka ndikuar në rezultat është një tjetër pyetje”, tha Bush në një konferencë në Abu Dhabi, ndërsa theksoi se “është problem që një komb i huaj të përfshihet në sistemin tonë zgjedhor”.

Ish-presidenti nuk e zuri asnjë moment në gojë emrin e Presidentit Trump, por deklaratat e pafavorshme të Bushit për këtë çështje bien ndesh me retorikën që ka dalë nga administrata e Trump.

Presidenti Trump ka mohuar me këmbëngulje përfshirjen e Rusisë në zgjedhjet e fundit./arbresh.info