Kryetari i Komunës së Malishevës, Ragip Begaj, sot ka prezantuar kabinetin e ri të qeverisjes me Komunën e Malishevës, për katër vitet e ardhshme. Shumica e të emëruarve, janë emra të rinj, por nuk mungoj as emrat e vjetër, të cilët do ti drejtojnë drejtoritë komunale, ndërsa nga 11 drejtorët e emëruar, një është femër.

Kryetari Begaj, sot i ka emëruar dhe ju ka dhënë detyrat këtyre drejtorëve: Hajrullah Mazreku-drejtor i Drejtorisë së Administratës së Përgjithshme, Blerim Thaçi-drejtor i Drejtorisë për Arsim dhe Edukim, Murat Hoxha-drejtor i Drejtorisë për Bujqësi dhe Pylltari, Valon Mazreku-drejtor i Drejtorisë për Buxhet dhe Financa, Valon Gashi-drejtor i Drejtorisë për Mbrojtje dhe Shpëtim, Bashkim Krasniqi-drejtor i Drejtorisë për Gjeodezi dhe Kadastër, Dibran Kastrati-drejtor i Drejtorisë së Inspektoratit, Besarta Kryeziu-Rama-drejtoreshë e Drejtorisë për Kulturë, Rini dhe Sport, Liridon Hoti-drejtor i Drejtorisë për Shëndetësi dhe Mirëqenie Sociale, Milazim Morina-drejtor i Drejtorisë së Shërbimeve Publike dhe Islam Vrenezi-drejtor i Drejtorisë së Urbanizmit.

Me rastin e emërimit të drejtorëve të drejtorive komunale, Kryetari i Komunës së Malishevës, Ragip Begaj, i ka uruar të gjithë drejtorët si dhe i ka njoftuar me detyrat dhe obligimet që kanë.