Kryeprokurori i shtetit Aleksander Lumezi në konferencën vjetore të prokurorëve ka thënë se ka kërkuar nga të gjithë prokurorët që të kenë angazhim maksimal në rastet e krimit të organizuar , korrupsionit, rastet e pandriçuara të vrasjeve para, gjatë dhe pas luftës dhe rastet e terrorizmit, shkruan arbresh.info.

“Pres angazhim maksimal të prokurorëve siç janë krimi i organizuar, rastet e  pa ndriçuara para , gjatë dhe pas luftës, korrupsionit dhe terrorizmit. Ky është prioriteti ynë në vitin 2018 sepse këtë e kërkojnë viktimat dhe familjarët e tyre prandaj ne duhet ti adresojmë këto çështje”, ka thënë ai.

Ai ka thënë se duhet të jetë e qartë që integrimi i Kosovës në familjen  evropiane do të jetë i vështirë pa pasur përpjekje në ndjekjen e këtyre krimeve të rënda.

Lumezi ka folur edhe për akuzat që i janë bërë nga pozita dhe opozita duke thënë se që të dyja palët duhet ta kuptojnë që prokuroria nuk merret as me pozitën e as me opozitën por me kryesit e veprave penale.

“Një pjesë e opinionit na ka akuzuar se jemi nën ndikimin e pushtetit por edhe e kundërta. Edhe të parët edhe të dytët duhet ta kuptojnë që prokuroria nuk merret as me pozitën e as me opozitën por me kryesit e veprave penale”, ka thënë Lumezi.

Sipas tij, Prokuroria e shtetit në vitin 2017 ka treguar efikasitet të lartë./arbresh.info.