Pas lirimit nga paraburgimi i dy deputetëve të Lëvizjes Vetëvendosje, Albin Kurtin dhe Donika Kadaj-Bujupi ka reaguar edhe i pari i Prishtinës, Shpend Ahmeti.

Ai me anë të një statusi në Facebook vendimin për lirim nga paraburgimi e ka cilësuar si një vendim të vonuar, ai gjithashtu ka kërkuar që deputetë që kanë mbrojtur Republikën duhet liruar nga aktakuzat, shkruan arbresh.info.

Më poshtë ju sjellim postimin e plotë të Ahmetit:

“Albini e Donika janë mbajtur maksimalisht në paraburgim, dhe ky vendim është shumë shumë i vonuar. Proceset gjyqësore ndaj aktivistëve nuk po ndalen.

Mirëpo në duhet të këmbëngulim! Padrejtësitë duhet të ndalen. Deputetët që mbrojtën Republikën duhet të lirohen nga aktakuzat. Adea, Frashëri, Atdheu e Egzoni duhet të lirohen nga dënimet pa kurrfarë faktesh”, ka shkruar Ahmeti./Arbresh.info/