Ministri i Zhvillimit Ekonomik, Valdrin Lluka pas ndezjes së ekskavatorëve në fshatin Shipitullë për të nxjerr thëngjillin nga nëntoka e këtij lokacioni, ka thënë se ka mbi 16 muaj që ekskavatori nuk ka qenë funksional, dhe kosto mujore e këtij ekskavatori është dikund rreth 1 milionë euro, shkruan arbresh.info.

“Sot jemi në fshatin Shipitullë dhe ekskavatori është ndezur, ka mbi 16 muaj i cili nuk ka qenë funksional. Kosto mujore e këtij ekskavatori është dikund rreth 1 milionë euro dhe po e  shihni se sa janë ato humbjet enorme që kanë ndodhur me muaj të tërë për shkak të neglizhencës së një qeverie e cila nuk ka dashur t’i jep prioritet fushës së energjisë dhe tash kemi ardhë në një situatë ku ishim para kolapsit energjetik , me një situatë ku u përmendën shifra të rritjes së çmimit të energjisë me 18 për qind , pra me të vërtetë unë besoj se kjo është një e arritur me të vërtetë jashtëzakonisht e madhe që të sigurohet furnizimi i brendshëm energjetik sepse nëse varemi nga importi asgjë në asnjë moment nuk ka të sigurtë as për nga rritja e çmimit të energjisë”, ka thënë ai.

Sipas tij, kryeministri Haradinaj duke treguar vendosmëri të madhe ka arritur që të bind qytetarët nga fshati Shipitullë që të vazhdojnë me nënshkrimin e kontratave dhe ta zhbllokojnë vendin sa i përket energjisë elektrike./arbresh.info/