Borussia Dortmund është duke e shikuar mundësinë për ta rikthyer armenin e Manchester United, Henrikh Mkhitaryan.

Në fillim të sezonit mesfushori armen ishte një nga më të mirët, por në shtatë ndeshjet e fundit ai nuk është paraqitur asnjë sekond për skuadrën e Jose Mourinhos.

Me lëndimin e Paul Pogbas, forma e armenit ra dukshëm dhe këtë e vërejti Mourinho, duke e lënë jashtë skuadrës.

Sipas disa raportimeve në Angli, Mourinho dhe Mkhitaryan janë përplasur, pasi portugezi e kishte kritikuar ashpër për përformacën kundër Chelseat.

Sipas “The Independent”, Dortmund është duke e shikuar mundësinë që ta rikthejë në Signal Indual Park, transmeton arbresh.info.

Mkhitaryan në këtë sezon ka pesë gola dhe katër asistime.

Dortmund ka pasur vështirësi në javët e fundit, por që nga ndërrimi i trajnerit, ata kanë fituar dy ndeshje radhazi. /arbresh.info/