I dyshuari që është dërguar në mbajtje pas përpjekjes për një sulm terrorist në Nju Jork, thuhet të ketë qenë një hakmarrje ndaj sulmeve amerikane mbi të ashtuquajturin Shteti Islamik, raportojnë mediat amerikane.

Akayed Ullah, një emigrant nga Bangladeshi, është lënduar nga një mjet shpërthyes i teknologjisë së ulët, që shpërtheu në terminalin e Autoritetit Portual në Manhattan, transmeton portali arbresh.info

Policia thotë se Ullah ka zgjedhur këtë lokacion për shkak të posterëve të Krishtlindjeve.

Tre persona të tjerë pësuan plagë të vogla nga shpërthimi.

Ullah thuhet se është në gjendje të rëndë në spital pas vuajtjes së djegieve kur pajisja, e cila ishte e lidhur me trupin e tij, shpërtheu në një nënkalim në terminalin e frekuentuar.

Ai u tha hetuesve të policisë se ai ishte frymëzuar nga sulmet terroriste të Krishtlindjeve në Evropë dhe zgjodhi terminalin e autobusit të Autoritetit Portual, pasi pa një numër posterash festive në muret e metrosë.

Ullah tha se sulmi i planifikuar ishte motivuar nga sulmet ajrore amerikane mbi objektivat e ISIS-it në Siri dhe gjetkë, raporton New York Times./Arbresh.info/