Protestues të shumtë janë përplasur me forcat libaneze të sigurisë pranë Ambasadës amerikane në veri të kryeqytetit Bejrut, në atë që rezulton demonstrata e fundit kundër vendimit të presidentit Donald Trump për të njohur Jeruzalemin si kryeqytet të Izraelit.
Forcat e sigurisë hodhën gaz lotsjellës dhe ujëhedhëset për të detyruar zmbrapsjen e protestuesve me flamuj në duar. Gjatë natës, edhe Liga Arabe dënoi vendimin e Shteteve të Bashkuara. Sipas saj, SHBA nuk mund të konsiderohen më tashmë si ndërmjetëse të paqes në Lindjen e Mesme.
Protestuesit, që iu afruan shumë Ambasadës në zonën Aëkar të Bejrutit verior, hodhën gurë dhe ndezën zjarre nëpër rrugë.
Forcat e sigurisë krijuan barrikada në rrugën kryesore që të çon drejt kompleksit të madh diplomatik.
Por kjo nuk ishte e vetmja demonstratë, pasi njerëz të shumtë protestuan edhe jashtë Ambasadës amerikane në kryeqytetin indonezian, Xhakarta, disa prej të cilëve me parulla ku lexohej “Palestina është në zemrat tona”.
Një objekt në flakë është hedhur edhe në një sinagogë të Gotenburgut, në Suedi, orët e vona të së shtunës, në atë që policia suedeze tha se ishte një përpjekje e dështuar për zjarrvënie. Udhëheqësi i komunitetit hebre, Allan Stutzinsky tha se ngjarjet e fundit po çojnë drejt “kërcënimeve më të mëdha”.
Demokratët fitojnë zgjedhjet lokale në Miami pas 28 vitesh
Ligji hyn në fuqi/ Fëmijët nën 16 vjeç në Australi mbeten pa...
Rozeta Hajdari del sot para gjyqit për rastin e rezervave sh...
Mëngjes me mjegull, gjatë ditës diell e vranësira
Van Dijk: Është një ndjenjë e mirë të fitosh, veçanërisht në...
Kina ekzekuton një bankier, mori rreth 135 milionë euro rysh...
📱 Shkarkoni Aplikacionin Arbresh.info për lajmet dhe përditësimet më të fundit!
Skip to content
