Pas rezultatin të së dielës, në garën zgjedhore për Ferizajn, kryetari i sapozgjedhur i Komunës së Ferizaj, Agim Aliu, përmes faqes së tij në rrjetin social “Facebook” i ka drejtuar qytetarëve të Ferizajt një mesazh falënderues.

Mesazhi i plotë: 

Ferizaj, faleminderit!

Ferizajasit dëshmuan se e duan ndryshimin. Pushteti i ri është pushteti juaj, ju që jeni forca ime, vullneti për të bërë Ferizajn, qytet elitar.

Jam thellësisht falenderues dhe i emocionuar me mbështetjen e fuqishme të gjithë qytetarëve, të rinjve e të moshuarve, burrave e grave që dhanë kontributin e tyre për ta bërë realitet fitoren.

Triumfi i djeshëm është triumfi i qytetarëve, zërit që thërret për ndryshim me punë konkrete.

Unë do të jem zëri juaj, kryetar i të gjithëve, përtej ngjyrave politike që bashkë të punojmë për të ardhmen e përbashkët në qytetin tonë.

Bashkë na presin shumë punë për ta bërë Ferizajn ashtu siç duam.

Faleminderit të gjithëve!

Na priftë e mbara!

P.S. Kërkoj ndjesë ndaj gjithë atyre, qindra mesazheve e thirrjeve telefonike që nuk kam mundur t’i përgjigjem. Ju faleminderit për urimet!

Sinqerisht,